Футляр для ковша
Конец XV века
Дерево, кожа
20×24 см
© Кирилло-Белозерский историко-архитектурный и художественный музей-заповедник
Д 2899
Происходит из Кирилло-Белозерского монастыря
Молитва
О, священная главо, преподобне и богоносне отче Кирилле!
Припадаем к тебе с верою и любовию и просим тя, небеснаго заступника нашего: яви велие милосердие твое нам смиренным и грешным и пролей теплыя молитвы твоя о нас ко Господу Богу. Свойственно есть тебе благосердие, святче Божий, ибо живущу ти на земли, едино бысть у тебе попечение, еже спасати от погибели греховныя души человеческия, и вся твоя жизнь святая бысть зерцалом добрых дел, о нихже прославляшеся в тебе Отец Небесный, к Немуже велие дерзновение стяжав, испроси нам у благости Его: веру праву, благочестие нелицемерное, покаяние истинное, братолюбие совершенное и преуспеяние вовсех благих делех. Исходатайствуй нам здравие душевное и телесное, земли плодоносие, воздуха благорастворение, мирное и безмятежное житие, непостыдную христианскую кончину и добрый ответ на Страшнем Суде Христовом. Сохрани Церковь Святую и державу Российскую от браней и нестроений. Огради обитель твою честную от всякаго зла и вся правоверныя люди, к тебе приходящия и мощем твоим покланяющиеся, осени небесным твоим благословением, и вся прошения их во благо исполни. Ей, отче, не презри молитв наших, со умилением тебе возносимых, но буди о нас теплый предстатель ко Господу, исподоби нас помощию твоею святою спасение вечное получити и Царствие Небесное унаследовати, да славословим великия щедроты и неизреченныя милости Отца и Сына и Святаго Духа, в Троице покланяемаго Бога, и твое отеческое заступление, во веки веков. Аминь.
